ភ្ញាក់ផ្អើលជាខ្លាំង ក្រោយពីបានដឹងថា កូនខ្មែរម្នាក់ មានសមត្ថភាពអាចបង្កើតម៉ាស៊ីនដោះមីនស្វ័យប្រវត្ដិដំបូងបង្អស់លើពិភពលោក (មានវីដេអូ)

កាលពីថ្ងៃទី១៧ ខែមិថុនា ឆ្នាំ២០១៩ ទើបកន្លងផុតទៅថ្មីនេះ មហាជនជាច្រើនមានការចាប់អារម្មណ៍ និងភ្ញាក់ផ្អើលជាខ្លាំង ក្រោយពីបានដឹងថា កូនខ្មែរម្នាក់ មានសមត្ថភាពអាចបង្កើតម៉ាស៊ីនដោះមីនស្វ័យប្រវត្ដិដំបូងបង្អស់លើពិភពលោក ហើយម៉ាស៊ីនមួយនេះមានឈ្មោះថា “ជីវិត”។ គោលដៅដែលកូនខ្មែររូបនេះបង្កើតម៉ាស៊ីននេះឡើង គឺដើម្បីបញ្ចៀសគ្រោះថ្នាក់ដល់អ្នកដោះមីន និងធ្វើប្រជាជនមានសេរីភាពក្នុងការដើរ។

យុវជនរូបនេះមានឈ្មោះថា យិម ប្រសិទ្ធិរិទ្ធ ដែលជាស្ថាបនិកក្រុមហ៊ុន Demine Robotics ហើយលោកក៏បានផ្តល់កិច្ចសម្ភាសន៍ដ៏មានន័យខ្លឹមសារមួយ ជាមួយសារព័ត៌មានក្នុងស្រុក ភ្នំពេញប៉ុស្តិ៍ (Post Khmer) ពីម៉ាស៊ីនដោះមីននេះ។ ក្រោយពីទស្សនាចប់ បានធ្វើឲ្យប្រិយមិត្តទូទៅលាន់មាត់ថា “ធនធានមនុស្សរបស់កម្ពុជាពិតជាមានច្រើនដូចជាបងប្រុសចឹង ខ្ញុំគាំទ្រនូវស្នាដៃល្អៗ របស់យុវជនកម្ពុជា ដែលអាចធ្វើបាន។”, “ល្អណាស់កម្ពុជាចាប់ផ្ដេីមរីកដុះដាលហេីយ បេីអាច ជួយនាំចេញផង” ព្រមទាំងនៅមានការគាំទ្រជាច្រើនទៀត។ ដើម្បីជ្រាប កាន់តែច្បាស់ សូមទស្សនាវីដេអូខាងក្រោមនេះ៕