ផុសផ្ដេស់ផ្ដាស់លើ Facebook អាចជាដើមហេតុឲ្យអ្នករកការងារធ្វើមិនបាន
Facebook Instagram ឬ Twitter បានក្លាយជារបស់ដ៏សំខាន់មួយសម្រាប់ទំនាក់ទំនងជាមួយមិត្តភ័ក្ដិ និគ្រួសារ, ចែករំលែករឿងរ៉ាវជីវិតប្រចាំថ្ងៃ ហើយអាចជាប្រយោជន៍សម្រាប់មុខជំនួញទៀតផង។ ប៉ុន្តែចំពោះអ្នកស្វែងរកការងារធ្វើ ត្រូវប្រយ័ត្នបន្តិច ព្រោះអ្វីដែលអ្នកបង្ហោះលើអនឡាញអាចជះឥទ្ធិពលដល់ឱកាសដែលអ្នកអាចទទួលបានការងារធ្វើ។ អ៊ីចឹងមានរឿងអ្វីខ្លះដែលអ្នកមិនគួរបង្ហោះលើអនឡាញ? ចម្លើយគឺមានក្នុងអត្ថបទខាងក្រោមនេះ ៖
ការបញ្ចេញមតិប្រមាថ ឬ មើលងាយលើអ្នកដទៃ គឺអាចប៉ះពាល់ដល់អារម្មណ៍អ្នកដទៃ ជារឿងមិនសមរម្យ ហើយមិនត្រូវគេទទួលស្វាគមន៍ឡើយសម្រាប់កន្លែងការងារ។ ពេលក្រុមហ៊ុនមួយសម្រេចជ្រើសរើសយកអ្នក អ្នកនឹងតំណាងឲ្យក្រុមហ៊ុននោះ ហើយគ្មាននរណាម្នាក់ចង់បានបុគ្គលិកដែលប្រើសម្ដីប្រមាថ ឬ មើលងាយ ដោយយកឈ្មោះក្រុមហ៊ុនខ្លួនមកឡូកឡំនោះទេ។
#សារសំខាន់របស់បណ្ដាញសង្គម នៅពេលអ្នកដាក់ពាក្យធ្វើការ
បេក្ខជនដែលដាក់ពាក្យធ្វើការនៅក្រុមហ៊ុនណាមួយ ត្រូវប្រយ័ត្នឲ្យមែនទែនពីអ្វីដែលខ្លួនបានបង្ហោះលើគណនីបណ្ដាញសង្គមរបស់ខ្លួន ដោយសារតែនិយោជកភាគច្រើននាពេលបច្ចុប្បន្ននឹងស្វែងរកគណនីរបស់បេក្ខជននីមួយៗដើម្បីអាចដឹងកាន់តែស៊ីជម្រៅពីបេក្ខជននោះ។ ប្រយ័ត្នមែនទែននោះ គឺនៅពេលដែលដាក់ពាក្យសុំធ្វើការងារណាដែលមិនមានការសម្ភាសន៍ដោយជួបមុខគ្នាផ្ទាល់ ព្រោះគណនីបណ្ដាញសង្គមជាប្រភពតែមួយគត់ដែលនិយោជិកអាចស្វែងយល់ពីបេក្ខភាពនីមួយៗ។
#រឿងដែលអ្នកមិនគួរបង្ហោះលើគណនីខ្លួន
រឿង ៣ ចំណុចខាងក្រោមនេះបានស្ថិតក្នុងបញ្ជីស្បែកខ្មៅសម្រាប់និយោជកភាគច្រើន ហើយបើអ្នកបានបង្ហោះរឿងទាំងបីនេះនៅលើគណនី Facebook, Instagram ឬ Twitter អ្នកទំនងជាបានបិទផ្លូវរបស់ខ្លួនសម្រាប់ការស្វែងរកការងារធ្វើ។
១. និយាយមិនល្អពីក្រុមហ៊ុនខ្លួន
និយោជកមិនប្រាកដថាល្អទាំងអស់នោះទេ ហេតុនេះជៀសមិនផុតពីត្រូវនិយោជិកនិយាយដើមនោះឡើយ ប៉ុន្តែអ្នកមិនគួរនិយាយដើមតាមរយៈតួអក្សរដែលបង្ហោះលើគណនីបណ្ដាញសង្គមរបស់ខ្លួននោះទេ។ ហេតុអ្វីបានមិនគួរ? ងាយយល់ទេ។ ប្រសិនបើអ្នកហ៊ាននិយាយដើមក្រុមហ៊ុនដែលខ្លួនកំពុងបម្រើការងារទៅហើយ មានអ្វីដែលអាចហាមអ្នកមិនឲ្យនិយាយដើមក្រុមហ៊ុនថ្មីនោះ?
២. ការបញ្ចេញមតិប្រមាថ មើលងាយ
ការបញ្ចេញមតិប្រមាថ ឬ មើលងាយលើអ្នកដទៃ គឺអាចប៉ះពាល់ដល់អារម្មណ៍អ្នកដទៃ ជារឿងមិនសមរម្យ ហើយមិនត្រូវគេទទួលស្វាគមន៍ឡើយសម្រាប់កន្លែងការងារ។ ពេលក្រុមហ៊ុនមួយសម្រេចជ្រើសរើសយកអ្នក អ្នកនឹងតំណាងឲ្យក្រុមហ៊ុននោះ ហើយគ្មាននរណាម្នាក់ចង់បានបុគ្គលិកដែលប្រើសម្ដីប្រមាថ ឬ មើលងាយ ដោយយកឈ្មោះក្រុមហ៊ុនខ្លួនមកឡូកឡំនោះទេ។
៣. រូបភាពមិនសមគួរ
បើអាចជៀសបាន គួរជៀសការបង្ហោះ ឬ ចែករំលែក រូបភាពខ្លួនដើរលេងចូលក្លឹបដាច់យប់ ឬ រូបភាពបែបស្រើបស្រាល និងរូបភាពមិនសមគួរដទៃទៀត។ មុននឹងបង្ហោះ ឬ ចែករំលែក គិតគូរឲ្យបានល្អិតល្អន់សិន។ ផ្ទុយទៅវិញគួរបង្ហោះរូបភាពណាដែលមើលទៅសប្បាយៗ រូបភាពគ្រួសារបងប្អូន ឬ អ្វីដែលបង្ហាញពីចំណុចខ្លាំងរបស់ខ្លួន។
#បើវេទនាអ៊ីចឹង ហេតុអ្វីមិនកំណត់គណនីទៅជា Private?
ការកំណត់គណនីទៅជាលក្ខណៈ Private (ឯកជន) អាចជួយការពារនេះពីការលួចមើលរបស់ជនដែលអ្នកមិនស្គាល់មុខបាន ប៉ុន្តែប្រសិនបើកំណត់គណនីទៅជា Public (សាធារណៈ) អាចបង្កើតឱកាសឲ្យអ្នកច្រើន។ ទំនាក់ទំនងផ្នែកជំនួញភាគច្រើនធ្វើឡើងតាមរយៈបណ្ដាញសង្គម ប៉ុន្តែក៏ត្រូវប្រាកដថាអ្នកចង់កំណត់គណនីទៅជា Public ផងដែរ។ ប៉ុន្តែបើអ្នកមានអារម្មណ៍មិនស្រួល ឬ មិនចូលចិត្តប្រភេទ Public នោះអ្នកមិនបាច់កំណត់ជា Public ទេ។ អ្នកអាចធ្វើការបញ្ជាក់ប្រាប់និយោជកនៅក្នុង Cover Letter ថា អ្នកអាចផ្ដល់ការ Access គណនីបណ្ដាញសង្គមរបស់ខ្លួនដល់ពួកគេបាន ប្រសិនបើចាំបាច់។ មិនថាជ្រើសរើសជម្រើសណា ត្រូវប្រាកដថាគណនីបណ្ដាញសង្គមរបស់អ្នក បានបង្ហាញពីការទំនួលខុសត្រូវ ឬ ភាពប៉ិនប្រសប់របស់អ្នក ដើម្បីជាការទាក់ទាញដល់និយោជកពេលរកការងារ៕
No comments