កាមេរ៉ា iPhone 12 នឹងមានសមត្ថភាព Autofocus កាន់តែប្រសើរជាងមុន
កាន់តែកៀកការប្រកាសចេញ iPhone 12 ព័ត៌មានកាន់តែច្រើនអំពីស្មាតហ្វូន Apple ជំនាន់ថ្មីនេះបានចេញជាបន្តបន្ទាប់។ លើកនេះគឺព័ត៌មានអំពីកាមេរ៉ា iPhone 12 ដែលមានប្រភពចេញពីអ្នកវិភាគល្បីឈ្មោះលោក Ming-Chi Kuo។
នកវិភាគរូបនេះបាននិយាយថា Apple បានបញ្ចូលនូវ Lens ថ្មីដែលមានគុណភាពខ្ពស់របស់ក្រុមហ៊ុន Semco និងក្រុមហ៊ុន Sunny Optical ទៅក្នុងខ្សែសង្វាក់ផ្គត់ផ្គង់របស់ខ្លួន។ Semco គឺជាក្រុមហ៊ុនដែលមានមូលដ្ឋាននៅកូរ៉េខាងត្បូង ហើយ Sunny Optical មានមូលដ្ឋាននៅប្រទេសចិន។ Lens ថ្មីនេះនឹងធ្វើឲ្យសមត្ថភាព Autofocus លើ iPhone 12 កាន់តែល្អប្រសើរជាងមុន។
បន្ថែមពីនេះដែរ លោក Ming-Chi Kuo បាននិយាយថាក្រុមហ៊ុន Semco អាចនឹងផលិតនូវ Lens ប្រភេទ Telephoto ដ៏ពិសេស ស្រដៀងនឹង Periscope សម្រាប់ប្រើប្រាស់លើ iPhone ចេញឆ្នាំ ២០២២ ផងដែរ៕
No comments